Орчны хяналт шинжилгээний хөтөлбөрийг сайжруулах, байгаль орчны сөрөг нөлөөллийг бууруулахад мэдээллийн бааз суурь болох зорилгоор Тавантолгойн бүлэг ордын хэмжээнд 15 үзүүлэлтээр орчны агаарын чанарын хяналт шинжилгээг хийж, статистик тоон үзүүлэлтээр хянах, датаг бүрдүүлэх боломжтой анхны агаарын чанарын хяналтын станцыг Цогтцэций сум болон уурхайн кемпэд суурьлуулж ашиглалтад орууллаа.

Монгол улсын Ерөнхийлөгчийн санаачилсан Тэрбум мод үндэсний хөдөлгөөний хүрээнд “НОГООН ГОВЬ–БИД БҮТЭЭНЭ” уриан дор 78,000 ширхэг суулгацыг өөрийн мод үржүүлгийн талбайгаас шилжүүлэн суулгаснаар масс тариалалтыг эхлүүлж Байгаль орчны менежментийн төлөвлөгөөний 10 бүлэг ажлыг 92.5 хувийн биелэлттэй дүгнүүллээ.

Орон нутгийн хамтын ажиллагаа, нийгмийн хариуцлагын хүрээнд ард иргэдийн эрүүл, аюулгүй орчинд ажиллаж, амьдрах эрхийг хамгаалах, гэмт хэрэг зөрчлөөс урьдчилан сэргийлэх, гэмт хэргийн гаралтыг бууруулах зорилгоор

Төлөөлөн удирдах зөвлөлийн шийдвэрээр өвөлжилт хаваржилтын хүндрэлийг даван туулахад зориулан МАЛЧДАДАА ТУСАЛЪЯ аян өрнүүлж Өмнөговь аймгийн нийт малчдад НЭГ ТЭРБУМ төгрөгийн дэмжлэг үзүүллээ. Мөн аяны хүрээнд Цогтцэций, Булган, Мандал-Овоо сумдын нийт 1231 малчин өрхөд хүнс, эрүүл мэнд, ахуйн багц гардуулав.